سویلینز کے ملٹری ٹرائلز سے متعلق آئینی بنچ کی تشکیل، جوڈیشل کمیشن کا اجلاس 6 دسمبر کو طلب

اسلام آباد (نیوز ایجنسیاں) چیف جسٹس آف پاکستان جسٹس یحییٰ آفریدی نے سویلینز کے ملٹری ٹرائلز سے متعلق مقدمات کی سماعت کیلئے آئینی بینچ تشکیل دینے کے سلسلے میں جوڈیشل کمیشن آف پاکستان کا اجلاس 6 دسمبر طلب کرلیا ہے۔آئینی بینچ نے جسٹس عائشہ ملک کی جگہ خصوصی عدالتوں کے کیسز میں نئے جج کی شمولیت کیلئے کمیشن سے رجوع کیا تھا۔ ذرائع کے مطابق اجلاس میں جسٹس شاہد بلال کی آئینی بینچ میں شمولیت پر غور ہوگا، رپورٹ کے مطابق 6 دسمبر کو پشاور اور سندھ ہائی کورٹس میں ججز کی تقرری کیلئے بھی اجلاس شیڈول ہے۔آئینی بینچ نے جسٹس عائشہ ملک کی جگہ نئے جج کی شمولیت کیلئے کمیشن سے رجوع کیا تھا جبکہ 20 نومبر کو سپریم کورٹ کی آئینی بینچز کمیٹی نے جسٹس عائشہ اے ملک کو سویلین کے ملٹری ٹرائل سے متعلق انٹرا کورٹ اپیلوں پر آئینی بینچ میں سماعت کا حصہ نہ بنانے کا فیصلہ کیا تھا۔