کسی کے باپ میں جرأت تو گورنر راج لگا دیں، گنڈاپور

پشاور(نمائندہ جنگ)وزیر اعلیٰ خیبر پختونخوا سردار علی امین گنڈاپور نے کہا ہے کہ اگر کسی کے باپ میں جرات ہے تو صوبہ میں گورنر راج لگا کر دیکھ لیں ، حکمت عملی تیار ،حکومت اور کرسی کی پروا نہیں ،اس مرتبہ اسلحہ لیکر آئیں گے،عمران خان کی جلد از جلد رہائی چاہتے ہیں، بشریٰ بیگم اور مجھے قتل اور اغوا کرنے کی کوشش کی گئی ،اس مرتبہ اسلحہ لیکر آئیں گے، گولی کا جواب گولی سے دیں گے ، ہم جلد از جلد عمران خان کی رہائی چاہتے ہیں، ہماری اگلی حکمت عملی تیار ہے ، حکومت اور کرسی کی پروا نہیں، اس مرتبہ عمران خان سے بھی درخواست ہے کہ احتجاج کیلئے پرامن کا لفظ نہ کہے، ان خیالات کا اظہار انہوں نے خیبرپختونخوا اسمبلی اجلاس سے خطاب کرتے ہوئے کیا ،وزیر اعلیٰ خیبر پختونخوا نے کہا کہ حکومت نے آرٹیکل 245 کے تحت فوج بلاکر ہمارے خلاف کارروائی کی، بھٹو کے دور میں انار کلی بھی ایسی فائرنگ ہوئی اس طرح لیگ ن نے ماڈل ٹاون میں یہ کام کیا ،ہم اپنے بے گناہ لیڈر عمران خان کے لئے نکلے تھے مگر ہمارے پر امن احتجاج پر گولیاں بر سائی گئیں ،یہ پوری قوم اور دنیا نے دیکھا کہ ایک لیڈر کے لئے گولیاں بر سانے اور تشدد کے باوجود کثیر تعداد میں لوگ نکلے ایسا کبھی کسی قید لیڈر کیلئے نہیں ہوا ، ہمارے شہداء کا خون رائیگاں نہیں جائیگا، اگر گولیاں چلانے والوں کے بچوں پر ایسی گولیاں چلائی گئیں تو ان کی خواتین پر کیا گزرے گی جنہوں نے ہمیں درد دیا ،خدا ان کو ایسی تکلیف دے ،انہوں نے کہا کہ یہ لوگ اس دن سے ڈریں جب ہم بھی اسلحہ اٹھالیں گے ۔