غیر قانونی کرنسی ایکسچینج میں ملوث ملزم گرفتار

کراچی( اسٹاف رپورٹر )ایف آئی اے اسٹیٹ بینک سرکل نے غیر قانونی کرنسی ایکسچینج میں ملوث ملزم کو گرفتار کر لیا۔گرفتار ملزم کی شناخت شاہنواز کے نام سے ہوئی۔ملزم کو چندریگر روڈ سے گرفتار کیا گیا۔حکام کے مطابق ملزم کو غیر ملکی کرنسی ایکسچینج کرتے ہوئے رنگے ہاتھوں گرفتار کیا گیا۔ چھاپے کے دوران ملزم کے قبضے سے 35 ہزار یو اے ای درہم برآمد ہوئے حکام نے بتایا کہ ملزم بغیر لائسنس کرنسی ایکسچینج میں ملوث ہے۔ ملزم برآمد ہونے والی کرنسی کے حوالے سے حکام کو مطمئن نہ کر سکا۔ملزم کے خلاف مقدمہ درج کرکے تفتیش کا آغاز کر دیا گیا ہے۔