ڈربن ٹیسٹ: سری لنکا کی شکست یقینی، ہدف سے 413 رنز پیچھے

کراچی (اسٹاف رپورٹر) ڈربن میں جنوبی افریقا کے خلاف پہلے ٹیسٹ میں سری لنکا کو یقینی شکست کا سامنا ہے۔ پہلی اننگز میں اپنے کم ترین اسکور 42پر آؤٹ ہونے کے بعد جمعہ کو تیسرے روز دوسری اننگز میں کھیل کے اختتام تک پانچ وکٹ پر103رنز بنائے تھے۔ دینش چندی مل29 رنز پر ناٹ آؤٹ ہیں، انجیلو میتھوز25رنز کے ساتھ دوسرے نمایاں بیٹر رہے۔ پروٹیز کے دیے گئے 516 رنز کے ہدف سے وہ ابھی 413 رنز پیچھے ہے۔ کگیسو ربادا اور مارکو جانسن دو ، دو وکٹ لے چکے ہیں۔ قبل ازیں جنوبی افریقا نے دوسری اننگز پانچ وکٹ پر366رنز پر ڈیکلیئر کردی، ٹرسٹن اسٹبس 122 اور کپتان ٹیمبا باووما نے 113 رنز اسکور کیے۔