جامعہ اردو ، امارات کے قومی دن پر تقریب کا انعقاد،طلباء کی مبارکباد

کراچی( افضل ندیم ڈوگر )متحدہ عرب امارات کے قومی دن کی کراچی میں تقریبات کا سلسلہ زور و شور سے جاری ہیں۔ وفاقی اردو یونیورسٹی میں طلبا نے یو اے ای کا قومی دن نہایت جوش و خروش کے ساتھ منایا، طلبا نے یو اے ای کے قومی دن پر برادر اسلامی ملک کو دلی مبارکباد پیش کی۔ طلبا نے یو اے ای کے پرچم ہاتھوں میں اٹھا رکھے تھے اور ترانہ بھی پڑھا گیا۔ کراچی کیساتھ ساتھ اندرون سندھ میں بھی یو اے ای کے قومی دن کی تقریبات جاری ہیں، لاٹکانہ کے شیخ زائد اسپتال میں بھی یو اے ای کے قومی دن کی تقریب ہوئی، ڈاکٹرز اور مریضوں نے ساتھ مل کر یو اے ای کے قومی دن کی خوشیاں منائیں، اسپتال کو مختلف رنگ کی لائٹوں سے سجایا گیا تھا۔ قونصل جنرل بخیت عتیق کا کہنا تھا کہ یو اے ای پاکستان کے تعلقات برادرانہ ہیں اور وقت کے ساتھ ساتھ مضبوط ہورہے ہیں۔ یو اے ای کے قومی دن کی تقریبات پاکستان میں بڑے پیمانے پر ہونا اسکا منہ بولتا ثبوت ہے۔