برطانیہ کے 7 ملین افراد کرپٹو اثاثوں کے مالک ہیں، رپورٹ

لندن (پی اے )سٹی ریگولیٹر کی جانب سے شائع کرائے جانے والے تخمینے کے مطابق برطانیہ کے7 ملین افراد کرپٹو اثاثوں کے مالک ہیں اس تخمینے کے مطابق برطانیہ کے 12فیصد بالغ افراد کے پاس کرپٹو کرنسی موجود ہے جبکہFCA کے مطابق 2022 میں صرف 10فیصد افراد کے پاس کرپٹو کرنسی تھی ،کرپٹو کرنسی رکھنے والوں کے پاس اوسطاً 1,842پونڈ مالیت کی کرپٹو کرنسی ہے۔صارفین کے درمیان کرپٹواسسیٹس کی فنڈنگ کا بنیادی طریقہ متعلقہ شخص کی اپنی ڈسپوز ایبل نقد / آمدنی کا72فیصدہے۔ برطانیہ کے عام لوگوں میں کرپٹو ایسسٹس کے بارے میں آگاہی زیادہ پائی گئی ، 93فیصد لوگوں نے کہا کہ انہوں نے تازہ ترین مطالعہ میں ان کے بارے میں سنا ہے۔ تحقیق سے پتہ چلتا ہے کہ روایتی خبریں اور میڈیا وہ بنیادی ذریعہ ہیں جن سے لوگ کرپٹو اثاثوں کے بارے میں سب سے پہلے سنتے ہیں ، جس میں بلاگز اور فورمز سمیت آن لائن خبریں سوشل میڈیا کے ساتھ دوسرے نمبر پر ہیں۔ کرپٹو صارفین میں ، دوستوں اور کنبہ کے ممبروں کو کرپٹو اثاثوں کے بارے میں معلومات کا سب سے عام ذریعہ پایا گیا تقریباً ہر تیسرے شخص کا کہناہے کہ اگر کچھ غلط ہوا تو وہ ایف سی اے سے شکایت کریں گے اور مالی تحفظ حاصل کریں گے ،لیکن ریگولیٹر ز کا کہناہے کہ اگرچہ کچھ قوانین موجود ہیں لیکن فی الوقت برطانیہ میں کرپٹو کرنسی بڑی حد تک غیر قانونی ہے اور اس کا رکھنا بہت خطرناک ہے ۔اگر کچھ غلط ہوتا ہے تو لوگوں کو اپنی تمام رقم سے ہاتھ دھونے کیلئے تیار رہنا چاہئے۔اگست میں FCA کے لیے YouGovکی جانب سے کئے گئے ایک سروے کے دوران 2,000 سے زیادہ افراد کے انٹرویو کئے گئے تھے جبکہ جو ایک دوسرے مرحلے میں کم وبیش تقریباً 1,000 ایسے بالغ افراد کے ساتھ انٹرویوز کیے گئے جنہوں نے کرپٹو اثاثے استعمال کیے تھے۔ FCA کا کہناہےکہ اس نے برطانیہ میں کرپٹو اثاثوں کی سرگرمیوں کی نگرانی اپنی حدود کے اندر جاری رکھی ہے۔ قانون سازی میں تبدیلی کے بعد، اس نے کرپٹو اثاثوں کے مالیاتی پروموشنز کے لیے ایک نظام متعارف کرایا ہے تاکہ لوگوں کو زیادہ معلومات حاصل ہوں اور وہ انھیں مالی فیصلے کرنے میں مدد ملے۔ FCA نے ریگولیشن کے لیے ایک روڈمیپ بھی شائع کیا ہے، جس میں مشاورت کے سلسلے کی تفصیلات دی گئی ہیں۔FCA کے ڈائریکٹر آف پیمنٹس اور ڈیجیٹل اثاثے، میتھیو لانگ نے کہا کہ ہمارے تحقیقاتی نتائج اس بات کی نشاندہی کرتے ہیں کہ اس حوالے سے ایسے واضح قوانین کی ضرورت ہے جن سے برطانیہ میں ایک محفوظ، مقابلہ جاتی اور پائیدار کرپٹو سیکٹر کی سپورٹ کی جاسکے۔ انھوں نے کہا کہ ہم ایک ایسے شعبے کو فروغ دینا چاہتے ہیں جو جدت کو اپنائے اور مارکیٹ کی سالمیت اور صارفین کے اعتماد پر مبنی ہو۔ہم حکومت، بین الاقوامی شراکت داروں، صنعت اور صارفین کے ساتھ قریبی تعاون کے لیے پرعزم ہیں تاکہ مستقبل کے قواعد کو درست بنایا جا سکے۔