عمران خان کی زندگی کو بشریٰ بی بی، علی امین گنڈا پور سے خطرہ ہے، فیصل واوڈا

اسلام آباد (این این آئی)سابق وفاقی وزیر سینیٹر فیصل واوڈا نے دعویٰ کیا ہے کہ بانی پاکستان تحریک انصاف اور سابق وزیراعظم عمران خان کی زندگی کو ان کی اہلیہ بشریٰ بی بی، وزیر اعلیٰ خیبرپختونخوا علی امین گنڈا پور اور اْن کے حواریوں سے خطرہ ہے۔سماجی رابطے کی سائٹ ایکس پر اپنے ایک بیان میں انہوں نے کہا کہ عمران خان کی جان کو خطرے کا پہلا ثبوت مفرور بھگوڑے کا ٹوئٹ ہے، جس میں اْس نے عمران خان کے ذہنی توازن کھو بیٹھنے یعنی ان کو پاگل قرار دینے کا بیانیہ بنانے کی شروعات کی۔انہوں نے کہا کہ اب قوم سمجھ رہی ہے کہ یہ سب مل کر کیا کرنا چاہ رہے ہیں؟ لیکن ہمیں عمران خان کی زندگی عزیز ہے اور ہمیں بانی پی ٹی آئی کو ان لوگوں سے بچانا ہے۔فیصل واوڈا نے لکھا کہ عمران خان کی ہمشیرہ علیمہ خان نے سوری کے اس گھٹیا ٹوئٹ کی تردید کی ہے۔