وادی کالام میں برفباری کا سلسلہ جاری، بڑی تعداد میں سیاح پہنچ گئے

سوات(نمائندہ جنگ)سوات کی وادی کالام میں برفباری کا سلسلہ دوسرے روز بھی جاری رہا جس کے بعد وادی کے نظارے مزید نکھر گئے ملک بھر سے سیاح کھینچے چلے آئے ہیں۔ کالام کے قریبی علاقوں مہوڈنڈ، مٹلتان ،اتروڑ ، اوشو جنگل میں بھی برفباری کا سلسلہ جاری ہے جس سے ہر سوں سفیدی چھا گئی اور سردی کی شدت میں مزید اضافہ ہوگیا ہے۔ ملک بھر سے آنے والے سیاح کہتے ہیں کہ وہ اس خواہش کو لیکر آئے تھے اور برفباری ملنے پر من کی مرادیں بھر آئی ہیں۔