صدر تا فیض آباد میٹرو بس سروس آج آپریشنل ہونے کا امکان

راولپنڈی(اپنے رپورٹرسے، خبر نگار خصوصی) پیر کو بھی صدر تا فیض آباد میٹرو بس سروس بند رہی۔میٹرو ٹریک کی مینٹی نینس کے باعث 28نومبر سے یکم دسمبر تک میٹرو بس سروس بند رکھنے کا اعلان ہوا تھاتاہم کام مکمل نہ ہونے کے باعث پیر دو دسمبر کو بھی میٹرو بس سروس صدر تا فیض آباد تک بند رہی۔میٹرو ذرائع کے مطابق آج منگل سے میٹرو بس سروس صدر تا سیکرٹریٹ آپریشنل ہوجائے گی۔ دریں اثناء ڈائریکٹر جنرل راولپنڈی ڈویلپمنٹ اتھارٹی کنزہ مرتضیٰ نے میٹرو بس کوریڈور کے جاری مرمت کے کام کا جائزہ لیا۔