کالام میں5انچ برفباری

اسلام آباد (اپنے نامہ نگار سے ) بالائی خیبر پختونخوا ، شمالی مشرقی بلوچستان ، جنوبی پنجاب اور بالائی سندھ میں چند مقامات پرتیز ہواؤں اور گرج چمک کے ساتھ بارش جبکہ کالام میں برفباری ہوئی۔ملک کے بیشتر علاقوں میں موسم خشک اور سرد رہا۔ کالام میں پانچ انچ سے زیادہ برفباری ریکارڈ کی گئی ۔ محکمہ موسمیات کے مطابق آئندہ چوبیس گھنٹوں کے دوران با لا ئی خیبر پختونخوا، کشمیر اورگلگت بلتستان میں چند مقامات پر تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے ۔گزشتہ روز سب سے کم درجہ حرارت لہہ منفی 8 سینٹی گریڈ ریکارڈ کیا گیا۔