پاکستان میں پولیو کے مزید 3کیس، تعداد 59 ہوگئی

اسلام آباد (نامہ نگار)پاکستان میں پولیو کے مزید تین کیسز سامنے آگئے۔ انسداد پولیو پروگرام کے ذرائع کے مطابق پاکستان میں وائلڈ پولیو وائرس ٹائپ 1(WPV1) کے تین کیسز کی تصدیق کی گئ ہے، اس سال ملک میں مجموعی کیسز کی تعداد 59 ہوگئی ہے۔ لیب نے ڈی آئی خان، کراچی کیماڑی اور کشمور سے ایک ایک پولیو کیس کی تصدیق کی۔ انسٹھ کیسز میں 26 کا تعلق بلوچستان سے، 16 کاخیبرپختونخوا، 15 کا سندھ، اور ایک ایک کا تعلق پنجاب اور اسلام آباد سے ہے۔