پیٹرولیم مصنوعات قیمتوں میں اضافہ روکنے کی راہ میں آئی ایم ایف پروگرام آڑے آگیا

اسلام آباد (عاطف شیرازی ) پیٹرولیم مصنوعات کی قیمتوں میں اضافہ روکنے کی راہ میں آئی ایم ایف پروگرام آڑے آگیا،حکومتی ذرائع کا کہنا کہ آئی ایم ایف پروگرام کی وجہ سےقیمتوں میں اضافہ روکنا ممکن نہیں تھا،گزشتہ ڈیڑھ ماہ میں پیٹرولیم مصنوعات بارہ روپےچودہ پیسےتک فی لیٹر مہنگی کی گئیں،ڈیڑھ ماہ میں ہائی سپیڈ ڈیزل تین اور پیٹرول کی قیمت میں دو بارہ اضافہ کیا گیا،ایک طرف پیٹرول اورہائی اسپیڈ ڈیزل پرساٹھ روپےفی لیٹر کے حساب سے لیوی وصول کی جارہی ہے تودوسری طرف شہریوں پر پیٹرول اور ہائی اسپیڈ ڈیزل کی قیمتوں کابوجھ بھی مزید بڑھادیا گیا،حکومتی ذرائع کا کہنا ہے کہ 16 اکتوبر سے لیکر اب تک کے ڈیڑھ ماہ میں ہائی اسپیڈ ڈیزل12 روپے14 پیسے اورپیٹرول کی قیمت میں 5 روپے7 پیسے فی لیٹر کا اضافہ کیا گیاہے-ذرائع کا کہنا ہے کہ وفاقی حکومت لیوی کم کرکے پیٹرول اور ہائی اسپیڈ ڈیزل کی قیمت میں اضافہ روک سکتی تھی تاہم آئی ایم ایف پروگرام کے باعث ایسا کرنا ممکن نہیں تھا-اس وقت پیٹرول اور ہائی اسپیڈ ڈیزل پر60 روپے فی لیٹر لیوی وصول کی جارہی ہے-شہری پیٹرول اور ہائی اسپیڈ ڈیزل پر لیوی کا مسلسل بوجھ بردداشت کرنے پر مجبور ہیں-رواں مالی سال کی پہلی سہہ ماہی جولائی تا ستمبر2024 کے دوران پیٹرولیم لیوی کی مد میں وصولی 261ارب69کروڑ روپے رہی جو سالانہ بنیادوں پر39 ارب62 کروڑ روپےکا اضافہ ظاہر کرتا ہے-گذشتہ سال جولائی تا ستمبر میں پیٹرولیم لیوی کی وصولی222 ارب 7 کروڑ روپے تھی-وفاقی حکومت نےرواں مالی سال کے لیےپیٹرولیم لیوی کی وصولی کاہدف1281ارب روپے مقررکیاہے۔