بنگلا دیش کےعبوری رہنما کابھارتی جارحیت کا مقابلہ کرنے کیلئے اتحاد پر زور

ڈھاکہ (اے ایف پی) بنگلا دیش کے عبوری رہنما محمد یونس نےگزشتہ روز ملک کے سیاست دانوں پر زور دیا کہ وہ اختلافات کو دور کریں اور بھارتی جارحیت کا مقابلہ کرنے کے لیے متحدہ محاذ قائم کریں۔محمدیونس نے بنگلا دیشی سیاسی جماعتوں کے ایک اجتماع کو بتایا کہ وہ ایک نیا بنگلادیش بنانے کی ہماری کوششوں کو نقصان پہنچا رہے ہیں اور فرضی کہانیاں پھیلا رہے ہیں۔انہوں نے کہا کہ یہ افواہیں خاص ممالک میں اور بااثر کھلاڑیوں کے درمیان پھیلائی جارہی ہیں۔محمد یونس نے اجلاس میں اس معاملے کو ہمارے وجود کا سوال کے طور پر بیان کرتے ہوئے سیاستدانوں پر زور دیا کہ وہ اس کے خلاف متحد ہو جائیں، جسے انہوں نے غلط معلومات کی مہم قرار دیا۔