24نومبر کا احتجاج 9مئی ٹو تھا، اب کوئی اور شو نہیں ہوگا، خواجہ آصف

05 دسمبر ، 2024

اسلام آباد (نامہ نگار خصوصی) وزیر دفاع خواجہ آصف نے کہا ہے کہ تحریک انصاف کا حالیہ شو مکمل طور پر فلاپ ہوگیا ہے، اور انہیں نہیں لگتا کہ آئندہ ان کا کوئی ایسا شو ہوگا۔ چوبیس نومبر کا احتجاج نو مئی ٹو تھا، اسلام آباد پرحملہ پسپا ہوا ہے، اب نہیں لگتا کہ آئندہ ان کا کوئی اور شو ہوگا۔ اسلام آباد میں جاپانی سفارتخانے کی تقریب کے دوران میڈیا سے گفتگو کرتے ہوئے ان کا کہنا تھا کہ پی ٹی آئی یہ فیصلہ نہیں کر سکی کہ انہیں اسلام آباد آنا تھا یا سنگجانی۔ خواجہ آصف نے کہافوجی تنصیبات پر حملے اور حالیہ واقعات بغاوت کے مترادف ہیں،انصاف کے اصولوں کے مطابق انہیں سزائیں ملنی چاہئیں، اور عوام احتجاج سے تنگ آگئے ہیں،پی ٹی آئی والے آپس میں بھی لڑ رہے ہیں۔