پاک روس تعلقات پر مغرب کو ناراض نہیں ہونا چاہئے ‘اویس لغاری

اسلام آباد(اے پی پی)وفاقی وزیر توانائی (پاور ڈویژن)سردار اویس لغاری نے کہا کہ پاک روس تعلقات نہ ہی کسی کو نقصان پہنچانے کے لیے ہیں نہ ہی کسی کے مفاد کے خلاف ہیں۔ روسی میڈیا کو انٹرویو میں انہوں نے کہا کہ پاکستان روس تعلقات پر مغرب کو ناراض نہیں ہونا چاہیے‘ ان تعلقات سے دونوں ممالک کے عوام کو فائدہ پہنچے گا اور یہ فوائد اقتصادی فوائد میں تبدیل ہو جائیں گے ۔ تیسری دنیا کے ممالک کی ترقی کے لیے عالمی طاقتوں کے درمیان مؤثر اور مسلسل رابطہ ناگزیر ہے۔مارچ سے پاکستان اور روس کے درمیان آزمائشی مال بردار ٹرین چلے گی اور ہم پاکستان اور روس کے درمیان براہِ راست فضائی سروسز کے قیام پربھی غور کر رہے ہیں‘پاکستان کو برکس فریم ورک کے اندر رکن ممالک کے ساتھ بہتر اور قریبی علاقائی تعاون کا فائدہ ہوسکتاہے۔