بٹ کوائن بلند ترین سطح پر، 2 کروڑ 87 لاکھ روپے کا ہوگیا

06 دسمبر ، 2024

نیویارک(نیوز ایجنسی) بٹ کوائن تاریخ کی بلند ترین سطح پر پہنچ گیا، بٹ کوائن پہلی بار (ایک لاکھ ڈالر سے زائد) یعنی تقریباً 2 کروڑ 87 لاکھ روپے کا ہوگیا۔ ایشیا کی مارکیٹ کھلنے سے پہلے بٹ کوائن کی قیمت تقریبا 96,250 ڈالر تھی، لیکن پانچ دسمبر کو مارکیٹ کھلتے ہی اس میں زبردست اضافہ ہوا۔ بٹ کوائن کی قیمت اس وقت ایک لاکھ ڈالر سے تجاوز کر گئی جب ڈونلڈ ٹرمپ نے پال ایٹکن کو سیکیورٹیز اینڈ ایکسچینج کمیشن (ایس ای سی) کا چیئرمین مقرر کرنے کا اعلان کیا۔پال ایٹکن کرپٹو کرنسی کے حمایت یافتہ گروپ سے تعلق رکھتے ہیں اور ان کا مقصد مضبوط اور جدید سرمایہ مارکیٹوں کو فروغ دینا ہے۔