کراچی(نیوز ڈیسک)غزہ کی جنگ بندی پر بات چیت کی مرکز ی شخصیت نے برطانوی نشریاتی ادارے کو بتایا ہے کہ ڈونلڈ ٹرمپ جنوری میں اقتدار سنبھالنے سے پہلے معاہدہ چاہتے ہیں۔ اسکائیز دی ورلڈ سے خصوصی گفتگو کرتے ہوئے قطر کے وزیر اعظم نے محتاط امید کا اظہار کیا لیکن کہا کہ انہیں جنگ بندی کے لیے تمام فریقوں پر زیادہ سے زیادہ دباؤ کی ضرورت ہے۔محمد بن عبدالرحمن بن جاسم الثانی نے کہا کہ ڈونلڈ ٹرمپ کے مشیروں اور آنے والی انتظامیہ نے کہا ہے کہ وہ چاہتے ہیں کہ 20 جنوری کو ان کی حلف برداری سے پہلے صورتحال حل ہو جائے۔انہوں نے کہا کہ ہم اپنی کوششوں کو ان کے ساتھ ہم آہنگ کرنے کی کوشش کر رہے ہیں، اور ہم سب متفق ہیں، اور ہم امریکی صدر کے عہدہ سنبھالنے سے پہلے اس صورتحال پر قابو پانے کی امید کر رہے ہیں۔قطر کے امیر شیخ تمیم بن حمد الثانی اس وقت سرکاری دورے پر برطانیہ میں ہیں۔قطری وزیر اعظم نے کہا کہ ٹرمپ ٹیم چاہتی ہے کہ یہ معاملہ اب فوری حل ہو جائے۔محمد بن عبدالرحمن بن جاسم الثانی نے حماس کو قطر کے دارالحکومت دوحہ سے اپنا سیاسی دفتر چلانے کی اجازت دینے کا بھی دفاع کیا۔انہوں نے زور دیا کہ اسے مکمل شفافیت اور ہم آہنگی کے ساتھ، اور اس وقت امریکہ اور اسرائیل کی درخواست پر قائم کیا گیا تھا تاکہ اسے مذاکراتی پلیٹ فارم کے طور پر استعمال کیا جا سکے۔انہوں نے کہا کہ 2014 سے حماس کےدفتر کے ذریعے متعددبار جنگ بندی کی گئی ہے۔انہوں نے کہا کہ بہت سارے ایسے حالات ہیں جہاں ہم نے کشیدگی کو ابتدا سے ہی بڑھنے سے روک لیا تاکہ خود کو ایسی صورتحال میں نہ ڈالا جائے جیسا کہ 7 اکتوبر کو نتائج نکلے۔وزیر اعظم نے مزید کہا کہ ہمیشہ تنقید ہوتی رہے گی، بہت سی جماعتیں اس پالیسی کو پسند نہیں کریں گی، ہاں، لیکن اس کی ضرورت ہے۔ڈونلڈ ترمپ کے دوبارہ منتخب ہونے کے مشرق وسطیٰ بالخصوص ایران پر اثرات کے حوالے سے قطری وزیر اعظم نے کہا کہ بہت سارے خطرات لیکن بہت سارے مواقع بھی ہیں،مجھے امید ہے کہ ہر کوئی ان مواقع کو دیکھے گا۔حماس کے زیر انتظام وزارت صحت کے مطابق، غزہ میں جنگ بندی پر مذاکرات اب تک ناکام ثابت ہوئے ہیں، جنگ میں 44,500 سے زیادہ فلسطینی شہید ہو چکے ہیں۔پیر کو ڈونلڈ ٹرمپ نے کہا کہ اگر یرغمالیوں کو انکےوائٹ ہاؤس میں دوبارہ داخل ہونے سے پہلے رہا نہ کیا گیا تو مشرق وسطیٰ کے لیے جہنم ہوگا۔
بیونس آئرس ارجنٹائن نے کہا ہے کہ وہ امریکا کے نقش قدم پر چلتے ہوئے عالمی ادارہ صحت سے دستبردار ہو جائے گا،...
کراچی امریکا کے بعد اسرائیل نے بھی اقوام متحدہ کی انسانی حقوق کونسل چھوڑنے کا فیصلہ کرلیا۔ اقوام متحدہ کی...
پانامہ سٹی پانامہ کینال سے امریکی سرکاری جہازوں کیلئے مفت گزرگاہ کا دعویٰ مسترد، صدر پانامہ کا کہنا ہے کہ...
تہران ایران کےسرکاری میڈیا نے رپورٹ کیا کہ پاسداران انقلاب نے گزشتہ روز خلیجی پانیوں میں ملک کے پہلے ڈرون...
کراچیاسرائیلی فوج نے گزشتہ روزبتایا کہ غزہ کی پٹی میں فوج کے زیر استعمال کرین گرنے سے دو اسرائیلی فوجی ہلاک...
راولپنڈی انسداد دہشتگردی کی خصوصی عدالت راولپنڈی کے جج امجد علی شاہ نے توہین عدالت کی درخواست پر جیل...
اسلام آباد قومی اسمبلی کی قائمہ کمیٹی پٹرولیم کو آگاہ کیاگیاکہ ملک میں گیس کی کمی ہے میٹر لگانے کی اجازت...
نئی دہلی بھارتیہ جنتا پارٹی جو گزشتہ دو دہائیوں میں دہلی اسمبلی انتخابات میں سنگل ڈیجٹ تک محدود رہی، اب اسکے...