سکیورٹی خدشات ،اڈیالہ جیل جانے والا راستہ بند کر دیا گیا

راولپنڈی (نیوز ایجنسی) جی ایچ کیو حملہ کیس کی سماعت کے پیش نظر اڈیالہ جیل جانے والا راستہ سکیورٹی خدشات پر پولیس نے رکاوٹیں لگا کر بند کردیا۔ یہ اقدام جیل میں 9 مئی جی ایچ کیو حملہ کیس کی سماعت کے موقع پر سکیورٹی خدشات کے پیش نظر کیا گیا ۔پولیس نے بتایا کہ اڈیالہ جیل جانے والا راستہ سیکیورٹی وجوہات کے باعث بند کردیاگیا۔کسی بھی مسافریا عدالت پیش ہونے والے ملزم کو نہیں روکاکیا۔پولیس نے ٹریفک کی روانی کیلئے سنگل لائن راستہ کھولے رکھا ، پی ٹی آئی لیگل ٹیم کا کہنا تھا کہ راستہ بند کرنے سے متعلق عدالت کو آگاہ کریں گے، ہم عدالت پیش ہونے آئے ہیں لیکن جانے نہیں دیا جارہا۔