شہر میں بڑھتے ہوئے حادثات ایڈیشنل آئی جی کا اظہار تشویش

کراچی(اسٹاف رپورٹر) ایڈیشنل آئی جی کراچی جاوید عالم اوڈھو نے شہر میں بڑھتے ہوئے ٹریفک حادثات پر شدید تشویش کا اظہار کرتے ہوئے کہا کہ یہ غیر ذمہ دارانہ ڈرائیونگ اور قانون کی خلاف ورزی کا نتیجہ ہے، جسے کسی بھی صورت برداشت نہیں کیا جائے گا۔ پولیس چیف نے سختی سے ہدایت دی کہ جن ڈرائیورز کے پاس ڈرائیونگ لائسنس نہیں ہوگاان کے خلاف اور انکے مالکان کے خلاف سخت قانونی کارروائی عمل میں لائی جائے گی۔شہر میں بڑی گاڑیوں کی وجہ سے ٹریفک کی روانی متاثر کرنے والے عناصر کے خلاف سخت اقدامات اٹھائے جائیں گے۔ ان خیالات کا اظہار انہوں آل پاکستان ڈمپر ٹرک ٹرانسپورٹ اونر ایسوسی ایشن (سندھ) کے صدر حاجی لیاقت محسود کی قیادت میں 6 رکنی وفد کی کراچی پولیس آفس میں ان سے ملاقات کے موقع پر کیں۔