چیئرمین پیپلز پارٹی بلاول بھٹو زرداری سے وزیراعلیٰ سندھ مراد علی شاہ کی ملاقات

کراچی ( اسٹاف رپورٹر) پیپلزپارٹی کے چیئرمین بلاول بھٹو زرداری سے سندھ کے وزیراعلیٰ سید مراد علی شاہ نے بلاول ہاؤس میں ملاقات کی۔بدھ کو ہونے والی اس ملاقات میں سندھ کے سیاسی امور پر بات چیت ہوئی جبکہ مراد علی شاہ نے صوبائی حکومت کی کارکردگی پر بریفنگ دی ۔دریں اثناء پیپلزپارٹی کے چیئرمین بلاول بھٹو زرداری سے پی پی پی رہنما آصف سومرو ایڈووکیٹ نے بلاول ہاؤس میں ملاقات کی، اس موقع پر سندھ کی سیاسی صورتحال پر تبادلہ خیال کیاگیا۔