رینجرز اہلکاروں کو کچلنے کا الزام، ایف آئی آر کا مسودہ منظر عام پر آگیا

اسلام آباد ( ایوب ناصر)پی ٹی آئی کے احتجاج کے دوران 26نومبر کو رینجرز کے 3اہلکاروں کو تیز رفتار گاڑی کے نیچے کچل کر شہید اور دو کو شدید زخمی کرنے کے الزام میں عمران خان ، بشریٰ بی بی ، علی امین گنڈا پور شعیب شاہین ، فیصل جاوید ، اسد قیصر ، شیر افضل مروت اورعمر ایوب سمیت 15ہزار سے زائد کارکنوں کیخلاف درج کی گئی ایف آئی آر کا مسودہ منظر عام پر آگیا ،پاکستان رینجرز سندھ کےحوالدار سلطان محمود سکنہ گوجر خان کے بیان کی روشنی میں ایس ایچ او تھانہ رمنا سب انسپکٹر ٹیپو سلطان کی مدعیت میں درج ایف آئی آر میں قتل ، دہشتگردی اور سازش سمیت 18 دفعات شامل کی گئیں ہیں ، مقدمہ کے اندراج کے بعدپولیس حکام نے ایف آئی آر کو سیل قرار دیتے ہوئے مندرجات میڈیا کو دینے سے گریز کیا تھا ۔