بیو رو کریسی تقرر و تبادلے؛ منور حسین ڈپٹی سیکرٹری فنا نس ڈویژن تعینات

اسلام آ باد ( رانا غلام قادر ) وفاقی بیو رو کریسی میں تقرر و تبادلے ، اسٹیبلشمنٹ ڈویژن نے نوٹیفکیشن جاری کر دیے۔ سیکر ٹیر یٹ گروپ کے گریڈ 19کے او ایس ڈی منور حسین ڈپٹی سیکرٹری فنا نس ڈویژن تعینات ، ڈائریکٹر مینجمنٹ سروسز ونگ اسٹیبلشمنٹ ڈویژن واجد علی کی خدمات خصوصی سر مایہ کاری سہولت کونسل ( SIFC) کے سپرد کر گئیں ،سیکشن افسر اسٹیبلشمنٹ ڈویژن ثانیہ سعید کو 3سال کیلئے ڈیپوٹیشن پر نیب میں تعینا ت کیا گیا ۔سیکشن افسر وزارت مواصلات سہیل احمد کو ریلیو کردیاگیا ۔ ان کی تقرری سندھ پولیس میں بطور ڈی ایس پی ہوگئی ۔صوبائی حکومتوں کے افسران کی ڈیپوٹیشن پر وفاقی حکومت کے اداروں میں تعیناتی کی گئی ۔ ڈپٹی چیف، پلاننگ ڈیپارٹمنٹ، گلگت بلتستان حکومت محمد عالم کو تبدیل کرکے ڈائریکٹر، بے نظیر انکم سپورٹ پروگرام گلگت بلتستان ریجن تعینات کیا گیا ۔ پرنسپل، محکمہ ایلیمنٹری اینڈ سیکنڈری ایجوکیشن خیبرپختونخوا سعید احمد کو تبدیل کرکے بطور اسسٹنٹ پروفیسر فیڈرل ڈائریکٹوریٹ آف ایجوکیشن تعینات کیا گیا ۔ محکمہ ہائر ایجوکیشن پختونخو ا کی لیکچرر بی بی حنیفہ کو تبدیل کرکے فیڈرل ڈائریکٹوریٹ آف ایجوکیشن اسلام آباد میں تعینات کیا گیا ۔محکمہ تعلیم بلوچستان کے سیکنڈری سکول ٹیچر دوست علی کو تبدیل کرکے اسسٹنٹ ڈائریکٹر بے نظیر انکم سپورٹ پروگرام بلوچستان ریجن تعینات کیا گیا ہے۔