اتوار کو یوم شہداء منایا جائیگا،دنیا بھر میں دعا کی جائیگی،علیمہ خان

راولپنڈی (سٹاف رپورٹر)اتوار کا دن یوم شہداء کے لیے مقرر ہو چکا ہے،دنیا بھر میں شہداء کے لئے دعا کی جائے گی،ان خیالات کا اظہارعلیمہ خان نے جمعرات کوبانی پی ٹی آئی سے ملاقات کے بعد اڈیالہ جیل کے باہر میڈیا سے گفتگو کرتے ہوئے کیا،انہوں نے کہاکہ ہم نے پانی پی ٹی آئی کو بتایا کہ ڈی چوک کا نیا نام شہداء چوک رکھ دیا ہے،یہ ہمیشہ رہے گا، بہت سے شواہد آچکے ہیں ویڈیوز بھی آئی ہیں یہ حقائق چھپا نہیں سکیں گے۔ شواہد سامنے آرہے ہیں اداروں اور ہسپتالوں سے لوگ دے رہے ہیں ،آج نہیں تو کل سب کچھ ظاہر ہو جائے گا ،علیمہ خان نے کہاکہ اتوار کو باغ ناران پشاور میں شہداء کے لیے سب جمع ہوں گے،پانی پی ٹی آئی نے کہا ہے کہ ہمیں دیوار سے لگا دیا گیا ہے،ہمارے پاس کوئی چوائس نہیں،2ہی مطالبات ہیں کہ ڈی چوک سانحہ اور9 مئی کے واقعات کی جوڈیشل انکوائری 3سینئر موسٹ ججز سے کروائی جائے، اورپی ٹی آئی کے بے گناہ کارکنوں کو رہا کیا جائے ،علیمہ خان نے کہاکہ اگر یہ مطالبات تسلیم نہ کیے گئے تو بانی پی ٹی آئی نے اوورسیز پاکستانیوں کو کہا ہےوہ رقوم پاکستان نہ بھیجیں،یہ وہی اوورسیز پاکستانی ہیں جن کو آپ ووٹ کا حق دینے کو تیار نہیں،جنہیں کال کرکے دھمکیاں دیتے ہیں،یہ وہی پاکستانی ہیں جنہیں یہ کہا جاتا ہے کہ آپ کے پاکستان لینڈ کرتے ہی آپ کو حراست میں لے لیں گے،دریں اثنا جمعرات کو سینٹرل جیل راولپنڈی میں عمران خان سے علیمہ خان کے علاوہ ڈاکٹر عظمیٰ خان اور قاسم خان نے بھی ملاقات کی ۔