مذاکرات ہی مسائل کا حل، سول نافرمانی تحریک پربھی عمل ہوگا، بیرسٹر گوہر

اسلام آباد (این این آئی) چیئرمین پی ٹی آئی بیرسٹر گوہر نے کہا ہے کہ امید ہے (آج) اتوار تک حکومتی مذاکراتی کمیٹی بن جائیگی ،سول نافرمانی کی تحریک پر بھی عمل ہوگا لیکن حل مذاکرات میں ہے، اسپیکر نے مذاکرات کے لیے کمیٹی بنانے کی یقین دہانی کروا دی ہے اور امید ہے(آج) کمیٹی بن جائیگی۔ سپریم کورٹ کے باہر میڈیا سے گفتگو کرتے ہوئے چیئرمین پی ٹی آئی بیرسٹر گوہر نے کہا کہ مذاکرات ہی ہوں گے، مذاکرات ہی حل ہیں۔سوال کہ لطیف کھوسہ نے کہا ہے ڈیڈ لائن ختم ہوگئی ہے اب سول نافرمانی کی تحریک پر عمل ہو گا پر بیرسٹر گوہر نے کہا کہ بالکل سول نافرمانی کی تحریک پر بھی عمل ہو گا مگر حل مذاکرات ہی ہیں۔