رابعہ اورنگزیب ڈپٹی کمشنر اسلام آباد کے اضافی فرائض بھی سر انجام دیں گی،نوٹیفکیشن جاری

اسلام آباد ( رپورٹ حنیف خالد ) چیف کمشنر آفس اسلام آباد کی جانب سے جاری کردہ نوٹیفکیشن کے مطابق محترمہ رابعہ اورنگزیب، ڈائریکٹر (ایڈمن)/ایڈیشنل کمشنر (جی) کو ڈپٹی کمشنر آئی سی ٹی کے عہدے کے فرائض انجام دینے کی اجازت دی گئی ۔ یہ ذمہ داری انہیں ان کے موجودہ فرائض کے ساتھ دی گئی ہے۔ ڈپٹی کمشنر عرفان نواز میمن غیر ملکی دورے پر ہوں گے۔ یہ عہدہ انہیں 20 دسمبر سے 30 دسمبر 2024 تک کے لئے تفویض کیا گیا ہے۔