مدارس رجسٹریشن کے معاملہ پر حکومت اور جے یو آئی کے درمیان اہم پیش رفت

اسلام آباد( نیوز رپورٹر) معلوم ہو اہے کہ مدارس کی رجسٹریشن کے معاملہ پر حکومت اور جے یو آئی کے درمیان اہم پیش رفت ہوئی ہے۔ذرائع کے مطابق حکومت نے اتحاد تنظیم المدارس دینیہ کا یہ مطالبہ اصولی طور پر تسلیم کر لیا ہے کہ مدارس کی رجسٹریشن سوسائٹیز رجسٹریشن ایکٹ 1860 کے تحت ہی کی جا ئے گی البتہ جو مدارس وزارت تعلیم کے ساتھ پہلے سے رجسٹرڈ ہیں وہ اسی سیٹ اپ کے تحت کام کرتے رہیں گے ۔ ذرائع کے مطابق یہ امکان ہے کہ قومی اسمبلی اور سینٹ سے منظور شدہ بل کا نو ٹیفکیشن اگلے چند دن میں جاری کردیا جا ئے۔ وزارت قانون آئینی اعتبار سے اس کا جائزہ لے رہی ہے۔