وفاقی وزیر داخلہ کا لاہور میں پاسپورٹ آفس دورہ، ایجنٹ مافیا کا صفایا کرادیا

اسلام آباد(نمائندہ خصوصی)وفاقی وزیر داخلہ محسن نقوی کی کوششوں سے لاہور میں پاسپورٹ آفس گارڈن ٹاون سے ایجنٹ مافیا کا صفایا، بے پناہ رش ختم، بالآخر شہریوں کو طویل انتظار کی زحمت سے نجات مل گئی۔ وفاقی وزیرداخلہ محسن نقوی نے 24/7 اوپن پاسپورٹ آفس گارڈن ٹاون کا اچانک دورہ کیا۔ وزیرداخلہ نے پاسپورٹ بنوانے کیلئے آئے شہریوں سے ملاقات کی اور ان سے پاسپورٹ بنوانے کے عمل کے بارے پوچھا۔ پاسپورٹ بنوانے کے عمل پر اطمینان کا اظہار کرتے ہوئے شہریوں نے کہا کہ 24 گھنٹے پاسپورٹ آفس کھلنے سے بے پناہ رش ختم ہوگیا ہے۔ وزیرداخلہ مختلف کاونٹرز پر گئے اور شہریوں سے گفتگو کی۔ انہوں نے بعض شہریوں کے مسائل موقع پر حل کرنے کیلئے احکامات دیئے۔ بعض شہریوں نے علاقے میں ایجنٹ مافیا کی شکایات کی، وزیرداخلہ ے فوری نوٹس لیتے ہوئے ایف آئی اے کو آج ہی سے فی الفور کریک ڈاؤن کا حکم دیا۔ انہوں نے کہا کہ شہریوں کی سہولت سب سے زیادہ عزیز ہے، پاسپورٹ ملنے میں تاخیر کی شکایات کا بھی ازالہ کیا جا رہا ہے۔ شہریوں کا اعتماد میرے لیے اطمینان کا باعث ہے۔