پی ٹی آئی نے دانستہ نو مئی کو ملک میں تباہی مچانے کی کوشش کی،ضیا عباس

کراچی(اسٹاف رپورٹر) سنیئر سیاست داں اور مسلم لیگ کے سابق سکریٹری جنرل سید ضیاء عباس نے کہا ہے کہ فوجی عدالتوں کے فیصلوں سے ثابت ہوگیا ہے کہ پی ٹی آئی دہشت گرد جماعت ہے جس نے دانستہ نو مئی کو ملک میں تباہی مچانے کی کوشش کی،نفرت، جھوٹ پرمبنی سیاسی بیانیےکی بنیاد پرمسلح افواج کی تنصیبات پرمنظم حملے کیے گئے اور ان کی بے حرمتی کی گئی، بے حساب گاڑیوں کو نذر آتش کیا گیا، جس سے ملک کو اربوں روپے کے مالی نقصانات کا سامنا کرنا پڑا، یہ سب کچھ ملک کو بر باد کرنے کی ناکام کوشش تھی جسے ملک کے اہم ترین اداروں نے صبر وتحمل سے ناکام بنایا،اب ان ملزمان کو ملنے والی سزائوں سے ثابت ہوگیا کہ اس کے پیچھے پی ٹی آئی کی اعلی ترین قیادت شامل تھی،عدالتی فیصلے کے بعد حکومت کو صرف پی ٹی آئی کی محب وطن قیادت سے بات چیت کرنا ہوگی، بانی پی ٹی آئی کو عوام نے مسترد کردیا ہے، ان کی سیاست پچھلے عام انتخابات میں اپنے انجام کو پہنچ چکی ہے۔