شیر افضل مروت کا پی ٹی آئی کیسز میں وکلاء کو دی گئی فیسوں کا آڈٹ کروانے کا مطالبہ

اسلام آباد (این این آئی) رہنماء پی ٹی آئی شیر افضل مروت نے پی ٹی آئی کیسز میں وکلا کو دی گئی فیسوں کے آڈٹ کا مطالبہ کردیا۔ نجی ٹی ویسے گفتگو کرتے ہوئے شیر افضل مروت نے کہا کہ چند وکلا نے پیسے لئے، دی گئی فیسوں کا آڈٹ ضرور ہونا چاہئے، ٹکٹ کا مجھے علم نہیں شائد پنجاب کی طرف ایسا ہوگا۔ انہوں نے کہا کہ تین چار وکلا نے فیس لی ہے، وکلا کو زیادہ فیس دی گئی،کیسز ایسی نوعیت کے نہیں تھے کہ اتنی فیسیں دی جاتیں،کیسز بے بنیاد تھے اس میں اتنی صلاحیتیں بھی درکار نہ تھیں۔ انہوں نے کہا کہ ایسا کام تھا نہیں کہ چوٹی کے وکیل لاتے اور منہ مانگی قیمت دی جاتی، میں نے 74کیسز میں بانی پی ٹی آئی کی نمائندگی کی لیکن کوئی پیسے نہیں لئے۔