پاکستان سے مزید90 ہزار افغان مہاجرین اپنے ملک واپس چلے گئے

جمرود (نمائندہ جنگ) پاکستان میں غیر قانونی طور پر رہنے والے90ہزار افغان مہاجرین اپنے ملک افغانستان کو چلے گئے ہیں۔امیگریشن ڈیپارٹمنٹ کے زرائع کے مطابق گزشتہ نو مہینوں کے دوران پاکستان سے ایسے نوے ہزار افغان مہاجرین اپنے وطن واپس چلے گئے ہیں جو یہاں غیر قانونی طور پر رہائش پذیر تھے۔زرائع نے یہ بھی کہا ہے کہ مزکورہ مہاجرین گزشتہ کئی سالوں سے پاکستان میں غیر قانونی طور پر رہائش پزیر تھے لیکن اب حکومت پاکستان ان کو یہاں پر مزید رہنے کی اجازت نہیں دی تھی جس کے نتیجے میں ان کو واپس افغانستان بھیج دیا جاتا ہے۔ جو نوے ہزار افغان مہاجرین پاک افغان بارڈر طورخم اور سپین بولدک کے راستے واپس افغانستان چلے گئے ہیں ان میں بچے ،خواتین اور مرد سبھی شامل تھے ۔