متعلقہ حکام کی لاپرواہی ، چمن پھاٹک پر عرصہ دراز سٹرک کی حالت ابتر

کوئٹہ(رپورٹ:حماداللہ سیاپاد) چمن پھاٹک پر سڑک کی حالت ابتر، موٹرسائیکل سوار آئے روز حادثات کاشکار ہونے لگے، رپورٹ کے مطابق چمن پھاٹک پر ایک ماہ سے زائد عرصے سے سڑک پرہل چلاکر اسے اکھاڑ دیاگیا جس سے گہری لکیریں بن گئی ہیں جن سے موٹر سائیکل سوار آئے روز حادثات کاشکار ہونے لگے ہیں ایوب اسٹیڈیم کے گیٹ سے تحصیل آفس تک سڑک کابیڑہ غرق کرکے راہگیروں کو عذاب میں مبتلا کردیاگیا ہے یہ صورتحال متعلقہ ادارے یامحکمے کی غیرذمہ داری یالاپرواہی کی نشاندہی کرتی ہے لوگوں کے ذہنوں میں یہ سوال ابھرتا ہے کہ اگر ایک ماہ یااس سے زائد عرصے تک کام ہونا نہیں ہے اسکی وجوہات کچھ بھی ہوں تو اس طرح مسائل کھڑے کرنے کی ضرورت ہی کیا ہے سنجیدہ قومیں اوران کے پالیسی ساز ادارے کسی بھی کام کاآغاز کرنے سے پہلے اس کیلیے فنڈز سمیت تمام تر مطلوبہ وسائل کا بندوبست اورپھر اسے پایہ تکمیل تک پہنچاتے ہیں جبکہ ہمارے یہاں اکثر یہ دیکھا گیا ہےکہ پہلے کام شروع اورپھر وسائل کی کمی یاعدم دستیابی کارونا رویاجاتا ہے عوامی حلقوں نے اس صورتحال کانوٹس لیاجائے۔