پی بی 45کے عوام میرمحمد عثمان پرکانی کو کامیاب کریں،میرسعداللہ پرکانی

کوئٹہ( سٹی ڈیسک)سیاسی سماجی قبائلی رہنما میرسعداللہ پرکانی ایک بیان میں پی بی 45کے عوام سے اپیل کی ہےکہ جمعیت کے امیدوار میر محمدعثمان پرکانی کو کامیاب کرکے اسمبلی میں اپنی بہتر نمائندگی یقینی بنائیں انہوں نے کہاکہ یوں تو گذشتہ الیکشن میں بھی عوام نے میرمحمدعثمان پرکانی پر ہی اعتماد کااظہار کیاتھا یہ الگ بات ہےکہ بعد میں نتائج کو تبدیل کرکے فارم 47کاجعلی نمائندہ عوام پر مسلط کیاگیا انہوں نے کہاکہ اس مرتبہ الیکشن میں دھاندلی کسی صورت قبول نہیں کی جائے گی انہوں نے کہاکہ میر محمدعثمان پرکانی کو عوام کی زبردست تائید وحمایت حاصل ہےمخالفین یہ بات ذہن سے نکالیں کہ وہ اس بار بھی عوامی رائے کو جعلی طریقے سےتبدیل کریں گےانہیں ایسانہیں کرنے دیاجائے گا انہوں نے کہاکہ میرمحمد عثمان پرکانی اچھی شہرت کے حامل اورعوامی خدمت کے جذبے سے سرشاررہنما ہیں تمام قبائل میں انہیں عزت اوراحترام کی نگاہ سے دیکھا جاتا ہے وہ اس مرتبہ الیکشن میں کامیابی حاصل کرینگے۔