ٹیسٹ کرکٹ سے ریٹائر نہیں ہو رہا ،کپتان روہت شرما

کراچی(نمائندہ جنگ)سڈنی ٹیسٹ کی ٹیم سے ڈراپ ہونے کے بعد کپتان روہت شرما نے کہا ہے کہ وہ ٹیسٹ کرکٹ سے ریٹائر نہیں ہورہے بلکہ آؤٹ آف فارم ہونے کی وجہ سے آسٹریلیا کے خلاف آخری میچ میں حصہ نہیں لیا۔بھارتی ٹی وی کوانٹر ویو میں انہوں نےاپنی ریٹائرمنٹ سے متعلق قیاس آرائیوں پر جواب دیا۔ان کا کہنا تھا ’سڈنی ٹیسٹ سے باہر رہنے کے فیصلے کو ریٹائرمنٹ کا فیصلہ نہیں سمجھا جانا چاہیے، مائیک، قلم یا لیپ ٹاپ رکھنے والے یہ فیصلہ نہیں کر سکتے کہ کسی کھلاڑی کو کب ریٹائر ہونا چاہیے۔باہر بیٹھے لوگ یہ فیصلہ نہیں کرسکتے کہ مجھے کب باہر بیٹھنا چاہیے، کب کپتانی کرنی چاہیے، میں ایک سمجھدار انسان ہوں، بالغ ہوں اور دو بچوں کا باپ ہوں۔ تو میں جانتا ہوں کہ کب کیا فیصلہ کرنا ہے۔انہوں نے کہا کہ میں کافی وقت سے ٹیسٹ کرکٹ کھیل رہا ہوں، میں یہ سمجھنے کی بصیرت رکھتا ہوں کہ میں اپنی زندگی سے کیا چاہتا ہوں۔میں خود کو کھیل سے دور نہیں کررہا ہوں۔