سارو گنگولی کی بیٹی کی کار کو بس کی زور دار ٹکر

کراچی(نمائندہ جنگ)بھارتی کرکٹ ٹیم کے سابق کپتان سارو گنگولی کی بیٹی کی کار کو بس نے زور دار ٹکر ماردی وہ بال بال بچ گئیں۔ ثناء اپنی گاڑی میں کولکتہ کے ڈائمنڈ ہاربر روڈ پر سفر کررہی تھیں، اس دوران ایک بس نے ان کی کار کو ٹکر ماری۔ میڈیا رپورٹس کے مطابق حادثے کے وقت ثناء گاڑی میں موجود تھیں جبکہ گاڑی ڈرائیور چلا رہا تھا تاہم حادثے میں گنگولی کی بیٹی ثناء اور ڈرائیور محفوظ رہے۔بس کا ڈرائیور حادثے کے بعد بس سمیت فرار ہو گیا ۔