وزیراعظم شہباز شریف کی تربت میں بس میں ریموٹ کنٹرول کے ذریعے بم دھماکے کی شدید مذمت

اسلام آ باد ( نیوز رپورٹر) وزیراعظم محمد شہباز شریف نے تربت میں بس میں ریموٹ کنٹرول کے ذریعے بم دھماکے کی شدید مذمت کی ہے۔ وزیراعظم نے بم دھماکے میں شہید ھونے والے افراد کے لئے درجات کی بلندی کی دعا اور لواحقین سے اظہار تعزیت کیا ہے۔ وزیر اعظم نے زخمیوں کے لیے صحتیابی کی دعا کی ہے۔ وزیر اعظم نے کہا ہے کہ دہشت گرد اپنے مذموم مقاصد میں کامیاب نہیں ہونگے۔حکومت اور سکیورٹی فورسز دہشتگردوں کے خلاف سرگرم عمل ہیں۔دہشت گردی کو پاکستان سے ختم کرنے کے لئے پر عزم ہیں۔