موسمی خرابی، 14 پروازیں منسوخ 75 میں تاخیر، 4 طیاروں کو متبادل ایئرپورٹس پر لینڈ کرایا گیا

کراچی( افضل ندیم ڈوگر) شدید دھند کی وجہ سے مختلف ایئرپورٹس کا فلائٹ اپریشن شدید متاثر ہوا 4 پروازوں کو متبادل ایئرپورٹس پر لینڈ کرایا گیا، 12 پروازیں منسوخ کردی گئیں جبکہ 75 پروازوں کی آمد اور روانگی میں تاخیر ہوئی۔ سب سے زیادہ لاہور کا علامہ اقبال ایئرپورٹ متاثر ہوا جہاں کی 40 پروازیں تاخیر کا شکار ہوئیں۔ لاہور بیشتر پروازوں کو روانگی کے لیے 24 گھنٹے سے زائد کا وقت لگا۔ اسلام اباد گلگت کی 4پروازیں پی کے 601، 602، 605،606، دبئی اسلام اباد کی پروازیں ایف زیڈ 353، 354، شارجہ لاہور ایف ایل 503، دبئی لاہور ایف زیڈ 359، 360 اور بنکاک لاہور کی پرواز ٹی جی 345 منسوخ کی گئیں۔ کراچی سکھر کی پروازیں پی کے 536، 537منسوخ کردی گئیں، لاہور سے جدہ، بینکاک اور دوحہ کی پروازوں کی روانگی میں 24گھنٹے لگے۔لاہور ابوظہبی کی پرواز پی اے 432، 433، شارجہ پپی اے 412، دبئی پی اے 417 کی آمد روانگی میں 11 گھنٹے سے زائد تاخیر ہوئی۔ کراچی ایئرپورٹ کی 12، اسلام اباد کی 11، پشاور، سیالکوٹ، فیصل اباد اور ملتان کی 14 پروازوں کی امد روانگی میں تاخیر ہوئی۔