سب میرین کیبل میں خرابی، نیا کیبل عارضی طور پر سسٹم میں شامل

اسلام آباد (خصوصی نمائندہ) پاکستان ٹیلی کمیونیکیشن اتھارٹی (پی ٹی اے) کے اعلامیہ کے مطابق 2 جنوری 2025 کو سب میرین کیبل AAE-1 میں پیدا ہونے والی خرابی کے پیش نظر عارضی بینڈوڈتھ کا بندوست کرتے ہوئے اسے سسٹم میں شامل کر لیا گیا ہے۔ اس وقت ملک بھر میں انٹرنیٹ سروسز کے حوالے سے ڈی گریڈیشن نہیں ہے۔ پی ٹی اے کی جانب سے AAE-1 سب میرین کیبل کی بحالی کے عمل کی مسلسل نگرانی کی جا رہی ہے اور اس دوران پی ٹی اے تمام سروسز کی فعالیت کو یقینی بنانے کے لئے پُرعزم ہے۔