عمران خان کی صحت اور سیکورٹی کے باعث منتقلی کے امکانات ہوسکتے ہیں، رانا ثنا ء

11 جنوری ، 2025

لاہور( این این آئی)وزیر اعظم کے سیاسی مشیر رانا ثنا ء اللہ نے کہا ہے کہ بانی تحریک انصاف کو سیکورٹی یا صحت کے مسائل کی وجہ سے کہیں منتقل کرنے کے امکانات ہوسکتے ہیں،سیکورٹی اور صحت کے سبب خاص انتظام کی بات ہوسکتی ہے،جیل کے اندر ہی ٹرائل کا فیصلہ بھی بانی پی ٹی آئی کی سیکورٹی کے سبب کیا گیا تھا۔ایک انٹرویو میں انہوں نے کہا کہ اگر بانی پی ٹی آئی کو روزانہ کی بنیاد پر انسداد دہشت گردی کی عدالتوں، ڈسٹرکٹ کورٹس یا ہائیکورٹ میں لایا جائے تو یہ سیکورٹی کے حوالے سے بڑا مسئلہ ہوگا، اس لیے جیل ٹرائل کا فیصلہ کیا گیا اور اسے کسی نے چیلنج بھی نہیں کیا۔