بانی پی ٹی آئی کا اپنا کیس انٹر نیشنل ہیومن رائٹس آرگنائزیشن میں لے جانے کا فیصلہ

11 جنوری ، 2025

راولپنڈی (آئی این پی)بانی پی ٹی آئی کی بہن علیمہ خان نے کہاہے کہ بانی پی ٹی آئی نے اپنا کیس انٹر نیشنل ہیومن رائٹس آرگنائزیشن لے کر جانے کا فیصلہ کیا ہے۔ علیمہ خان نے اڈیالہ جیل کے باہر میڈیا سے گفتگو کرتے ہوئے کہا کہ بانی پی ٹی آئی کواپنے بچوں سے بات نہیں کرنے دیتے، ان کومعالج سے نہیں ملنے دیتے، ان کیساتھ یہ رویہ ٹارچرکیزمریمیں آتا ہے۔علیمہ خانم کا کہنا تھا کہ بانی پی ٹی آئی جوچیزمانگتے ہیں وہ نہیں دیتے، کوئی عدالت ہماراکیس پٹیشن سننے کوتیارنہیں، بانی پی ٹی آئی نے کہاہےکہاب اب ہمارے پاس کوئی راستہ نہیں، اب اپناکیس انٹرنیشنل ہیومن رائٹس آرگنائزیشن لیکرجائیں گے۔انھوں نے بتایا کہ ہماری فیملی کودھمکیاں دی جاتی ہیں وارننگ آتی ہیں۔عمران خان کی ہمشیرہ نے کہا کہ آج جیل حکام نے اندر نہیں جانے دے دیاتو ہم احتجاجا ًاندر پیدل چلے گئے، جیل حکام کی جانب سے کہا کہ ڈاکٹر عظمی ٰکو اندر بھیج دیں اور مجھے منع کردیا گیا، بانی پی ٹی آئی عمران خان کے کہنے پر مجھے اندر بلایا گیا۔انھوں نے بتایا کہ القادر ٹرسٹ کیس میں کیا سزا ہونی ہے ان کو پہلے ہی پتہ ہے، بانی پی ٹی آئی بچوں کو مفت تعلیم دے رہا تھا یہ اس کا جرم ہے۔مذاکرات کے حوالے سے علیمہ خان کا کہنا تھا کہ حکومتی اراکین نے کہا بانی پی ٹی آئی نے ٹویٹ کیا ہے شاید اس لئے مذاکرات رک گئے، جب یہ کچھ کرنا چاہتے ہیں تو صبح 7بجے جیل بھی کھل جاتی ہے، بانی پی ٹی آئی نے باہر آنا ہوا تو انشااللہ فجر کے وقت جیل کا دروازہ کھل جائے گا۔