مانیٹری پالیسی کا اعلان متوقع، ریٹ میں 2 سے 3 فیصد کمی کا امکان

11 جنوری ، 2025

کراچی (این این آئی)سٹیٹ بنک مانیٹری پالیسی کمیٹی کا اجلاس 27 جنوری کو ہوگا،جس میں مائیکرو اور میکرو اشاریوں کا جائزہ لیا جائے گا جب کہ مانیٹری پالیسی کا اعلان متوقع ہے،جس کے تحت ریٹ میں2سے3فیصد کمی کا امکان ہے۔ تفصیلات کے مطابق سٹیٹ بنک رواں سال کی پہلی ششماہی میں چار بار مانیٹری پالیسی کا اعلان کرے گا۔27 جنوری کو مرکزی بنک کی مانیٹری پالیسی کمیٹی کا اجلاس ہوگا، جس میں مائیکرو اور میکرو اشاریوں کا جائزہ لیا جائے گا۔مانیٹری پالیسی کمیٹی کے اجلاس 10 مارچ، 5 مئی، اور 16 جون کو بھی ہوں گے۔ تجزیہ کاروں کے مطابق افراط زر 4.1 فیصد پر آنے کے بعد پالیسی ریٹ میں 2 سے 3 فیصد کمی کا امکان ہے۔30 جون تک پالیسی ریٹ کے سنگل ڈیجٹ میں آنے کی توقع کی جارہی ہے۔ یہ تبدیلیاں معیشت کی بہتری اور مالی استحکام کے حوالے سے اہم ہیں، اور ان کا اثر مارکیٹ میں محسوس کیا جا سکتا ہے۔