کرم امن معاہدے کو کچھ عناصر نے سبوتاژ کرنے کی ناکام کوشش کی،وزیر داخلہ

اسلام آباد ( ان لائن ) وفاقی وزیرداخلہ محسن نقوی نے کہا ہے کہ کرم امن معاہدے پر تمام فریقین کو اعتماد میں لیا گیا تاہم بعض عناصر نئے معاہدے کو سبوتاڑ کرنے کی ناکام کوشش کی۔ان خیالات کا اظہار انہوں نے جمعہ کو جمعیت علمائے اسلام کے سربراہ مولانا فضل الرحمٰن کے ساتھ ملاقات میں کیا اس موقع پر وزیرداخلہ محسن نقوی نے مولانا کی خیریت دریافت کی اور صحت کے حوالے سے نیک خواہشات کا اظہار کیا ۔ملاقات میں باہمی دلچسپی کے امور ،ملک کی مجموعی صورتحال پر تبادلہ خیال اور کرم میں قیام امن کیلئے اقدامات پر گفتگو کی گئی ۔اس موقع پر وزیر داخلہ محسن نقوی اور مولانا فضل الرحمٰن نے امدادی اشیاء کے قافلوں کی پارا چنار آمد پر اطمینان کا اظہار کیاہے وفاقی وزیر داخلہ نے کہا کہ کرم میں قیام امن کیلئے تمام سٹیک ہولڈرز کو اعتماد میں لیا ہے مگر بعض عناصر نے جان بوجھ کر کرم ایشو کو غلط رنگ دیا گیا انہوں نے کہا صورتحال کی بہتری کیلئے گرینڈ جرگہ کی مخلصانہ کاوشوں کو سراہتے ہیں ۔