ٹل پاراچنار مین شاہراہ بند بگن متاثرین کا دھرنا جاری

11 جنوری ، 2025

کرم (صباح نیوز) ٹل پاراچنار مین شاہراہ تاحال بند ہے جبکہ مندوری کے مقام پر بگن متاثرین کا پر امن دھرنا جاری ہے۔سرکاری حکام کے مطابق امدادی سامانلے کر اگلا قافلہ دو روز میں پاراچنار روانہ ہوگا۔95روز گزرنے کے باوجود ٹل پاراچنارمین شاہراہ عام ٹریفک کے لئے تاحال بند ہے جبکہ مندوری کے مقام پر بگن متاثرین کا دھرنا بھی جاری ہے۔دھرنا مظاہرین علاقہ میں آتشزدگی کے متاثرین کو معائوضہ دینے کامطالبہ کررہے ہیں،کچھ روز قبل اپر کرم جانے والے رسد سامان کے قافلوں کو پر امن طریقے سے گزارنے کے لئے دھرنے کے باوجود روڈ کو کھولا گیا تھا۔سرکاری ذرائع کے مطابق پارا چنار کے لیے امدادی سامان لے کر اگلا قافلہ دو روز میں روانہ ہو گا۔ سامان میں اشیائے خوردونوش اور دیگر اشیا ضروریہ شامل ہونگی۔قافلے پاراچنار سمیت کرم کے مختلف علاقوں کے لئے سامان لے کر جائیں گے۔