فالتو اسامیاں ختم، نئی پر پابندی، منظور شدہ، پُر اور خالی اسامیاں کتنی؟ وزارت خزانہ نے ڈیٹا مانگ لیا

اسلام آ باد ( رانا غلام قادر ) وزارت خزانہ تجاویزنئےمالی سال (2025-26)کیلئےوفاقی سرکاری ملازمین کے بجٹ تخمینوں پرکام شرو ع کردیا ہے۔ وزارت خزانہ نے واضح کردیا ہے کہ تمام فالتوآسامیاں ختم کی جائیں اورنئی آسامیوں کی تخلیق پرپابندی ہو گی۔وزارت خزانہ نے تمام وزارتوں، ڈویژنز اور محکموں کو ہدایات جاری کردی ہیں۔وزارت خزانہ نےتمام وزارتوں اور ڈویژنز سےآسامیوں کی تفصیلات 6فروری تک طلب کرلیں۔ فنا نس ڈویژن نے مراسلہ میں ہدایت کی ہے کہ کسی بھی وزارت،ڈویژن یامحکمے میں نئی آسامیوں کی اجازت نہیں ہوگی۔ نئی آسامیوں کی تخلیق وزارت خزانہ کی پیشگی منظوری سےمشروط ہوگی۔وزارت خزانہ نےمنظور شدہ،پر اورخالی آسامیوں کی تفصیلات مانگی ہیں۔ وزارت خزانہ نے31 جنوری2025 تک منظورشدہ آسامیوں کاڈیٹا مانگا ہے۔ وزارت خزانہ نےتین سال سے زائد عرصے سےخالی تمام آسامیوں کی نشاندہی کرنے اور انہیں ختم کرنےکی ہدایت کی ہے۔