محسن نقوی کی فضل الرحمٰن سے ملاقات ، سیاسی صورتحال پر تبادلہ خیال

اسلام آباد (نمائندہ جنگ)وزیر داخلہ محسن نقوی نے جمعیت علمائے اسلام کے سربراہ مولانا فضل الرحمٰن سے انکی رہائش گاہ پر ملاقات کی اور مجموعی سیاسی صورتحال پر تبادلہ خیال کیا،وزیر داخلہ نے کہا کہ بعض عناصر نے جان بوجھ کرکرم ایشو کو غلط رنگ دیا وزیر داخلہ نے ان کی خیریت دریافت کی اور انکی صحت کے حوالے سے نیک خواہشات کا اظہار کیا، ملاقات میں باہمی دلچسپی کے امور اور ملک کی مجموعی صورتحال پر تبادلہ خیال کیا گیا، خیبرپختونخوا خصوصاً کرم میں قیام امن کیلئے اقدامات پر بھی گفتگو کی گئی،وزیر داخلہ نے کہا کرم میں قیام امن کیلئے تمام سٹیک ہولڈرز کو اعتماد میں لیا ہے بعض عناصر نے جان بوجھ کر کرم ایشو کو غلط رنگ دیا، صورتحال کی بہتری کیلئے گرینڈ جرگہ کی مخلصانہ کاوشوں کو سراہتے ہیں مولانا فضل الرحمٰن سے دیرینہ نیاز مندی ہے، پاکستان کی سیاست میں مولانا فضل الرحمٰن کا مثبت کردار قابل تعریف ہے۔