2024میں ”جیونیوز“ نے مقبولیت کے تمام ریکارڈ توڑ دیئے

کراچی ( جنگ نیوز) پاکستان کے مقبول ترین اور نمبر ون نیوز چینل ”جیونیوز“ نے ایک بار پھر پاکستان کی میڈیا انڈسٹری میں نئی تاریخ رقم کردی ہے۔ گذشتہ برس 2024 میں ٹی وی کے کسی بھی ایک سال کے سب سے زیادہ یعنی 27341 جی آر پیز اور 12 ارب ڈیجیٹل ویوز کے ساتھ ”جیونیوز“ نے ملک کے سب سے زیادہ دیکھے جانے والے ”نیوز نیٹ ورک“ کا اعزاز برقرار رکھتے ہوئے اپنا گذشتہ ریکارڈ مزید بہتر کرلیا۔ ہے۔ خبریں پڑھنے کا انداز ہو، یا منفرد مارننگ شو، اسپورٹس کی خبریں ہوں یا سیاسی تجزیئے، الیکشن کی ٹرانسمیشن ہو بین الاقوامی خبریں، پارلیمنٹ کے اندر ہونے والی گرما گرم بحث ہو یا، سڑک پر ہونے والے دھرنے، معیشت کی صورتحال ہو یا معاشی سرگرمیاں، آئی ایم ایف کا دباؤ ہو یا قرض کی منظوری، امریکی الیکشن ہوں ہو یا خوشحال پاکستان پیکیج، اسرائیلی جارحیت ہو یا فلسطین و لبنان پر ہونے والی بمباری ”جیونیوز“ میڈیا انڈسٹری پر پوری طرح چھایا رہا۔ جیونیوز اپنے ناظرین کا تہہ دِل سے شکر گزار ہے جنہوں نے پچھلے تمام چینلز کے مقابلے میں ”جیونیوز“ کو ٹی وی اور ڈیجیٹل ورلڈ میں سب سے زیادہ وقت دیا اور گزشتہ 21 برس کی طرح اس سال بھی اپنے بھر پور اعتماد کا اظہار کیا ہے۔