وزیراعلیٰ پنجاب کی 13جنوری کو بہاول پور آمد متوقع،انتظامات شروع

بہاول پور(ڈسٹرکٹ رپورٹر) وزیراعلیٰ پنجاب کی متوقع آمد، یونیورسٹی اور انتظامیہ میں ہلچل، ممکنہ احتجاج کے بارے میں اتھارٹیز کو آگاہ کردیا گیا۔ تفصیلات کے مطابق وزیراعلیٰ پنجاب مریم نواز کا دورہِ بہاولپور 13جنوری 2025ء کومتوقع ہے سرکاری زرائع کے مطابق دورے کے دوران وہ اسلامیہ یونیورسٹی بغداد کیمپس میں طلباء وطالبات میں سکالرشپ کی تقسیم کی تقریب میں بطورمہمان خصوصی شامل ہوں گی جبکہ بہاو ل وکٹوریہ ہسپتال اورسرصادق سول ہسپتال کے متوقع وزٹ بھی بتائے گئے ہیں۔ اس حوالے سے ایک طرف انتظامیہ اور پولیس کی جانب سے بھرپورانتظامات شروع کردئیے گئے ہیں جبکہ دوسری طرف اسلامیہ یونیورسٹی میں بھی اس تقریب کیلئے بھرپورتیاریاں کی جارہی ہیں دوسری طرف بہاولپورانتظامیہ، پولیس اوریونیورسٹی انتظامیہ کو ایک رپورٹ کے زریعے مطلع کردیاگیاہے کہ وزیراعلیٰ پنجاب مریم نوازکی اسلامیہ یونیورسٹی آمدکے موقع پر یونیورسٹی کے ملازمین اوربلوچ سٹوڈنٹس کی جانب سے ممکنہ طورپر احتجاجی مظاہرہ ہوسکتاہے۔ بتایاگیاہے کہ اسلامیہ یونیورسٹی بہاولپورکے موجودہ معاشی حالات اورملازمین کوتنخواہیں وقت پرنہ ملنے کے حوالے سے ملازمین میں شدیدبے چینی پائی جاتی ہے جس کے بعد ڈسٹرکٹ انتظامیہ،پولیس اور یونیورسٹی انتظامیہ اس بارے میں متحرک ہوچکے ہیں۔