نظام شمسی کے 6سیارے ایک قطار میںآنے کو تیار، مشاہدہ 21جنوری کو ہوگا

کراچی (نیوز ڈیسک) نظام شمسی کے 6 سیارے ایک قطار میں آنے کیلئے تیار ہیں، 21 جنوری سے زہرہ، مریخ، زحل، مشتری، نیپچون اور یورینس قطار میں ہوں گے، جس کا رات میں مشاہدہ کیا جا سکے گا۔ پلینیٹری الائنمنٹ یا پلینیٹری پریڈ کہلائے جانے والے اس نظارے میں زہرہ، مریخ، مشتری اور زحل کو بغیر ٹیلی اسکوپ، جبکہ نیپچون اور یورینس کو ٹیلی ٹیلی اسکوپ کے ساتھ دیکھا جا سکے گا۔ واضح رہے کہ پلینیٹری الائنمنٹ ایسا فلکیاتی مظہر ہے، جس میں نظام شمسی کے سیارے زمین سے دیکھنے پر آسمان کے ایک ہی علاقے میں قریب قریب قطار میں نظر آتے ہیں۔