ڈسٹرکٹ کورٹس اسلام آباد کی آفیشل ویب سائٹ کا آغاز،چیف جسٹس اسلام آبادہائیکورٹ نے افتتاح کیا

اسلام آباد (رپورٹنگ ٹیم : عاصم جاوید ، اویس یوسف زئی) وکلا ءاور سائلین کی سہولت کیلئے اسلام آباد کی ڈسٹرکٹ اینڈ سیشن کورٹس کی آفیشل ویب سائٹ لانچ کر دی گئی،اسلام آباد ہائیکورٹ کے چیف جسٹس عامر فاروق نے ویب سائٹ کا افتتاح کیا ۔ اس موقع پر چیف جسٹس نے ڈسٹرکٹ بار سے خطاب میں کہا کہ ماتحت عدلیہ اور وکلا ءپر فخر ہے،ہائیکورٹ ججز تعیناتی سے متعلق اچھی خبر ملے گی ،کہ ضلعی عدلیہ میں 2023 میں 82 ہزار مقدمات نمٹائے گئے تھے جبکہ سال 2024 میں ایک لاکھ 19 ہزار کیسز نمٹا ئے گئے ہیں۔ڈسٹرکٹ اینڈ سیشن جج اعظم خان کا خطبہ استقبالیہ میں کہا کہ عام سائلین اور وکلا ءکیلئے آسانیاں پیدا ہو گئی ہیں اس موقع پر ڈسٹرکٹ بار ایسوسی ایشن کے عہدیداران اور وکلا بڑی تعداد میں موجود تھے۔