ملتان میں پارک ترک سکول کالج کا افتتاح، پنجاب ترکیہ کا تعلیمی تعاون بڑھانے پر اتفاق، دوستی مضبوط ہوگی، وزیر اعلیٰ مریم نواز

لاہور(خصوصی نمائندہ)وزیر اعلیٰ پنجاب مریم نواز شریف نے ملتان میں پاک ترک معارف انٹرنیشنل سکول اینڈ کالج کا افتتاح کر دیا،وزیراعلیٰ نے افتتاحی تقریب میں مہمان خصوصی کے طور پر شرکت کی ،بچیوں نے ترک زبان میں خوش آمدید کہا اور گلدستہ پیش کیا۔ترکیہ کے وزیر تعلیم یوسف تاکن ترکیہ کے سفیر معارف انٹرنیشنل سکول فاؤنڈیشن کے صدربیرل ا یکگن اور دیگر ترک حکام بھی موجودتھے۔تقریب میں پاکستان اور ترکیہ کے ترانے بجائے گئے ،وزیر اعلیٰ نے سکول کا دورہ کیا ، افتتاحی تقریب سے خطاب کرتے ہوئے کہا ترکیہ کے وزیر تعلیم کی موجودگی دونوں قوموں میں گہری اور پائیدار دوستی کی علامت ہے جو مزید مظبوط ہوگی ،صدر رجب طیب پاکستان کے حقیقی بھائی ہیں ہمیشہ پاکستان کے ساتھ شانہ بشانہ کھڑے ہوکر اپنا اخلاص ثابت کیا ہے ،دعا ہے شراکت داری آنے والی نسلوں تک پھلتی پھولتی رہے،وزیراعلیٰ نے ملتان کا دورہ کیا اورملتان یونیورسٹی آف سائنس اینڈ ٹیکنالوجی یں مریم نواز شریف گرلز ہاسٹل کا سنگ بنیاد رکھ دیا ، وزیر اعلیٰ پنجاب سے ترکیہ کے وزیر تعلیم پروفیسر یوسف تیکن نے ملاقات کی اور صدر اردگان کی طرف سے نیک تمناؤں کا پیغام پیش کیا اور ترکیہ کی شعبہ تعلیم میں بہتری کے لئے تعاون کی پیشکش کی۔نصاب تعلیم میں جدت میتھ اور دیگر سبجیکٹ میں ترکیہ کے تجربات سے فائدہ اٹھانے پر اتفاق کیاگیا۔ وزیر اعلیٰ نے ترکیہ کے دورے کی دعوت قبول کرلی۔ یوسف تیکن نے کہا کہ پاکستان کو اپنا دوسرا گھر سمجھتے ہیں۔ وزیر اعلیٰ نے سارک سنوکر چیمپئن شپ جیتنے پر محمد آصف کو مبارکباددی اورنیک خواہشات کا اظہارکیا ہے