قومی ایئر لائن کا یورپ کے لیے فلائٹ آپریشن ساڑھے 4 سال بعد بحال

کراچی ( اسٹاف رپورٹر) پاکستان کی قومی ایئر لائن کی پیرس کے لئے پہلی پرواز جہاں اوور سیز کے لئے اچھی خبر ہے وہاں پی آئی اے اسٹاف کے لئے بھی عید کا سامان بن گئی ہے ،پی آئی اے کے افسران اور عملے کے 26 اراکین اس پرواز میں پیرس روانہ ہو ئے ہیں ،بکنگ ڈیٹا کے مطابق مارکیٹنگ اور برانڈ شعبے کے افسران کی بڑی تعداد پیرس روانہ ہو ئی ہے ،جس پر پی آئی اے کے اہلکاروں نے ہی احتجاج کیا ہے اور کہا ہے کہ قومی ادارے ماضی میں بھی اس طرح ہی غلط استعمال کیا جا تا رہا ہے ،واضح رہے کہ ۔قومی ایئر لائن کا یورپ کے لیے فلائٹ آپریشن ساڑھے 4 سال بعد بحال ہوا ہے۔ پرواز پی کے 749 نے 323 مسافروں کے ساتھ پیرس کے لیے اڑان بھری۔ فرانس میں پی آئی اے کے منیجر رضوان کے مطابق یہ پرواز اسی شام پیرس انٹرنیشنل چارلس ڈیگال ایئرپورٹ پر اترے گی۔ترجمان کے مطابق مسافر ہفتے میں دو روز پیرس سے اسلام آباد اور اسلام آباد سے پیرس آیا جایا کریں گی۔